تصنيفات

كنتاكي أحلى من كنتاكي نفسه

المكوّنات

  1. فرخة متقطعة على ثمانية
  2. مكونات محلول النقع
  3. 4 كوب ماء
  4. 2 معلقة كبيرة مليانة من كل من (ملح – سكر – خل)
  5. مكونات التتبيلة
  6. 1 كوب دقيق
  7. 1/2 كوب نشا
  8. 1 معلقة كبيرة من (بابريكا- ثوم بودر-بصل بودر-زعتر-فلفل اسود)
  9. 1 معلقة صغيرة من (ملح – شطة – بيكنج بودر)
  10. 1 كوب ماء
  11. مكونات خليط التغطية
  12. 2 كوب دقيق
  13. 1/2 كوب نشا
  14. 1 معلقة صغيرة من (بيكنج بودر-كركم-ثوم بودر-بصل بودر-زعتر-ملح)
  15. مكونات التحمير
  16. زيت سخن غزير

الخطوات

  1. عشان تجهزي الكنتاكي ابدأي من قبلها بيوم كامل
  2. الصبح هتجهزي محلول النقع هتضيفي الماء والخل والملح والسكر على بعض في بولة وتقلبيهم كويس
  3. بتعملي فتحات في الفراخ وبعد كدا بتحطيها في المحلول وتغطيها بكيس بلاستيك وتدخليها في الثلاجة من الصبح لبالليل
  4. بعد كدا بنشيل الفراخ من المحلول وبنغسلها كويس ونصفيها
  5. نجهز التتبيلة بقى.. هتحطي كل مكونات التتبيلة على بعضها في بولة وتقلبي كويس لحد ما الخليط يبقى شبه خليط البان كيك
  6. بتحطي الفراخ في التتبيلة وتغطيها بكيس بلاستيك وتدخليها الثلاجة من بالليل للصبح عشان تتشرب التتبيلة
  7. بعد كدا بنجهز خليط التغطية.. بتجيبي كيس بلاستيك وتحطي فيه مكونات الخليط وتقلبي كويس
  8. بتطلعي الفراخ من التتبيلة قطعة بقطعة تحطيها في خليط التغطية وتقلبي كويس وتنزلي في الزيت
  9. الزيت يكون سخن وغزير ننزل بقطع الفراخ على نار عالية لمدة 3 دقائق عشان تكون قشرة بعد كدا بتهدي النار لمدة 20 دقيقة وفي الاخر بتعلي النار تاني لمدة 3 دقائق وتطلعيها على ورق مطبخ وبس كدا 😋